Республикыштына «Тазалыкаралтыш» калыкле проектым тений шыҥдараш ик миллиардат 800 миллион теҥгем колтымо

Республикыштына «Тазалыкаралтыш» калыкле проектым тений шыҥдараш ик миллиардат 800 миллион теҥгем колтымо
              Марий Эл «Тазалыкаралтыш» калыкле проектым илышыш шыҥдарымаште участвоватла. Тенийлан тиде пашалан ик миллиардат 800 миллион теҥгем палемдыме. Тушечын ик миллиардат 500 миллион теҥгежым тымарте кучылтмо. Тичмаш шийвундым идалык мучаш марте пашаш колташ шонат. Тиде калыкле проектым регионлаште илышыш шыҥдарыме йодышым каҥашаш видеоконфеернцкыл йӧн дене совещанийым Россий Правительстве вуйлатышын алмаштышыже Татьяна Голикова эртарен. Тудын пашаштыже Марий Элым вуйлатыше Юрий Зайцев участвоватлен. Оксан кугу ужашыжым «Тазалыкаралтышын первичный звеножым модернизироватлымаш» регионысо проектлан колтымо- 347 миллион теҥгем. Проект кышкарыште Йошкар-Оласе йоча эмлыме верын кокымшо поликлиникыже чоҥалтеш. Тений тиде пашалан 155 миллион теҥгем кучылташ палемдыме. Графикым ончылтен Звениговысо рӱдӧ райбольницым капитально олмыктымо. Медицина тӧнеж- влакым оборудований дене пойдарыме паша- калыкле проектын ик кӱлешан ужашыже. Тений 125 миллион теҥгелан 9 оборудованийым налме. Проект кышкарыште тыгак медицина организаций- влаклан кадрым ситарымаш регионысо проект шукталтеш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски