«Мунло» уш-акыл марафонышто «Ургаш еш» команде сеҥышыш лектын
«Мунло» уш-акыл марафонышто «Ургаш еш» команде сеҥышыш лектын. Рӱдӧ олаштына республике кӱкшытан «Мунло» уш-акыл марафон эртен. Тудо Марий Элын государственностьшым ыштымылан 104 ий теммылан да Ешын талукшылан пӧлеклалтын. Марафонышто Йошкар-Ола гыч тунемше- влак да районла гыч 14 школ команде участвоватлен. Нуно теме дене кыллдалтше кум турым эртеныт. Самырык марафонец- влак марий калыкын историйже да йӱлаже, йылмыже да сылнымутшо, лӱмлӧ еҥже- влак нерген шинчымашыштым ончыктеныт. Сеҥыше- влакым погымо бал дене рашемденыт. Кокымшо ден кумшо верым Морко районысо Зеленогорск школын «Эрвий» да Куженер районысо Руш Шой школын «Одар тукым» командышт налыныт. Икымше верыш Советский районысо Ургаш лицей гыч «Ургаш еш» команде лектын. Марафоным 2014-ше ий годсек Марий тӱвыра рӱдер тӱвыра министерствын полшымыжо дене эртара.
Фото: Раисия Николаева.
Фото: Раисия Николаева.
