Рӱдӧ оласе 9-ше А микрорайонышто школым 2025-ше ий тӱҥалтышыште чоҥаш тӱҥалаш палемдыме

Рӱдӧ  оласе 9-ше А микрорайонышто школым 2025-ше ий тӱҥалтышыште чоҥаш тӱҥалаш палемдыме
           Рӱдӧ  оласе 9-ше А микрорайонышто школым 2025-ше ий тӱҥалтышыште чоҥаш тӱҥалаш палемдыме. Йошкар-Ола мэрийыште тунемме верым ситарыме йодыш почеш калык дене вашлиймаш эртен. Тидын нерген мэрын сомылжым шуктышо Антон Трудинов увертарен. Тудо каласен: школлаште да йоча садлаште вер ситыдымаш рӱдӧ олаште илыше ача-ава- влаклан пеш пӱсын шогышо йодыш. Но сай увер- влакат улыт. Мутлан, «Фестивальный» микрорайонышто 180 верлан шукертсек вучымо йоча садым чоҥаш тӱналме. 2025-ше ийыште «Гомзово» микрорайонышто 10-шо  номеран школым да Семёновкеышто Архипов лӱмеш школым капитально олмыкташ тӱҥалыт. 9-ше А микрораойнышто у школым идалык тӱналтышыште чоҥаш тӱналыт. Ончыкылыкан решений- влакат улыт. Нунын коклаште: Шернур тракт дене Семёновка деч тораште огыл кок школым чоҥаш верым палемдыме. Эше ик вер Архипов лӱмеш школ шеҥгелне мланде участке шотышто йодыш ончалтеш. А 9-ше Б микрорайонышто школым чоҥымо шотышто йодыш кызыт школлан проектым ыштышым ойырен налаш конкурс процедура татыште улеш- увертарен Антон Трудинов.
            Фото: Антон Трудинов ВК.

Прошлые выпуски