Марий спортсменке- влак «Ош йӱд» марафонышто сай лектышым ончыктеныт
Марий Элыште шочшо- влак «Ош йӱд» марафонын куд Топ спортсменкыже радамыш пуреныт. Алина Прокопьева ден Людмила Лебедева Санкт-Петербургышто кумшо ден нылымше верым налыныт. 29-ше июньышто Санкт-Петербургышто 33-шо гана «Ош йӱд» марафон эртен. Ӱдырамаш- влак коклаште 42 меҥгат 195 метрыш куржмаште Марий Элыште шочшо, Моско ден Белгород обласьлан спортсменкыже Алина Прокопьева той медальым налын. Марий Эл да Моско верч кучедалше Людмила Лебедева нылымше верыш лектын. Марафонышто чылаже вич тӱжемат 793 еҥ участвоватлен. Эше лу тӱжемат 491 еҥ лу меҥге кужытыш куржын.
Фото: Андрей Антонов/ Марийская правда.
Фото: Андрей Антонов/ Марийская правда.
