Параньга районышто 48 меҥгыш шуйнышо кум корным олмыктат

Параньга районышто 48 меҥгыш шуйнышо кум корным олмыктат
              Параньга районышто 48 меҥгыш шуйнышо кум корным олмыктат. Районышто корно инфраструктурым саемдыме шотышто кугу паша шукталтеш Тений кум корным олмыкташ  да Буй эҥер гоч кӱварым ачалаш палемдыме. Пытартыш вич ийыште район мучко республике кӱкшытан шым корным 46 меҥге утла кужытышто, 110 метр кужытан кум кӱварым олмыктымо. Районысо корно сеть 161 меҥге утлаш шуйнымым шотыш налаш гын, тиде сай лектыш. Тенийлан олмыктышаш план эшеат ӱшандарыше. Программыш 48 меҥге кужыт шуйнышо регионысо  кум корным да Буй гоч кӱварым пуртымо. Йошкар-Ола –Уржум корнын 118-ше меҥгыштыже кӱвар 48 метр кужытан. Корно служба тӱҥ пашам Сабантуй ден Пеледыш пайрем марте шукташ кугу вийым пыштен. У асфальтым Параньга-Уньжинский корнын кок ужашыштыже, Параньга- Ирнур корнын тӱҥалтыш вич меҥгыштыже шарыме. Ирнур корнышто корно тӱрым пеҥгыдемдаш, разметкым ышташ, вӱдым колтышо пуч- влакым олмыкташ кодын. Елеево –Параньга корнын кок меҥгыштыже пашам шуктымо да эксплуатацийыш пуымо. Каласаш кӱлеш: идалык мучашлан палемдыме чыла пашам шуктымеке, Параньга район гоч эртыше 50 процент регионысо корно- влак нормативлан келшыше лийыт.
        Фото: Транспорт министерстве.

Прошлые выпуски