Марий Элым вуйлатыше Кугече юмылтымаште лийын
Марий Элым вуйлатыше Кугече юмылтымаште лийын. Таче йӱдым Юрий Зайцев Шнуй Юмынаван Кафедральный Благовещений соборыштыжо Кугечылан пӧлеклалтше службышко миен. Литургийым Йошкар-Олан да Марий Элын митрополитше Иоанн эртарен. Кугече христиан йӱлам кучышо- влаклан эн куанле да тӱн пайрем. Кугече йӱла тукым гыч тукымыш куснен толеш, элысе калыкым ушен шога Шӱм-чон шижмаш деч посна обществым вияҥдаш, шӱм-чон яндарлыкым арален кодаш, патриотизм шӱлышым шуараш ок лий,- каласен Юрий Зайцев. Республикым вуйлатыше духовенствын еҥже- влаклан тӱвыра йӱлам, еш поянлыкым вияҥдаш полшен шогымылан, самырык тукымым куштымашке кугу надырым пыштымылан тау шомакым каласен.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
