Идалык мучаш марте республикыштына 11 фотовидеофиксаций комплексым вераҥдат
Идалык мучаш марте республикыштына 11 фотовидеофиксаций комплексым вераҥдат. Таче кечылан корнылаште нарушенийым 104 аппаратно-программный комплекс- влак эскерат. Лишыл жапыште Йошкар-Олаште Киров ден Воин Интернационалист- влак урем корнывожышто, Первомай ден Пролетар, Панфилов ден Первомай, Йошкар Армий ден Советский, Ленин проспект ден Вознесений урем корнывожлаште аппаратно-программный комплексым пашаш колтат. Стационар комплекс- влак Йошкар Армий уремысе 120-шо номеран пӧрт тураште, Машиностроитель уремысе 32-шо пӧрт воктене вераҥдалтыт. Тиддеч посна Звенигово районышто «Кокшайск- Красногорский», Шернур районышто «Йошкар-Ола - Уржум» корнын ужашлаштышт пижыкталтыт. Тыгак транспорт негызеш мобильный комплекс- влак пашам ыштат. Идалык тӱҥалтыш гыч автомат режим дене 616 тӱжем утла пунчалым лукмо. Тушечын 579 тӱжемже скорость режимым кугемдымылан, 11 тӱжемже йошкар тул йӱлымӧ годым кудалмылан да стоп-линий ончылно шогалдымылан лукталтын. Эше тӱжемат пеле пунчалже корнышто машинам вераҥдымылан, ваштареш полосаш лекмылан возалтын, кок тӱжемат пелыже -лӱдыкшыдымылык ӱштым ӱшталдымылан.
ФОТО: Марий Элысе МВД-н ГИБДД пресс-службыжо.
ФОТО: Марий Элысе МВД-н ГИБДД пресс-службыжо.
