Марий Элым вуйлатыше Республикын правительствыжын заседанийжым эртарен
Марий Элым вуйлатыше Республикын правительствыжын заседанийжым эртарен. Тушто тенийсе иктешлыше кугыжаныш аттестаций, шошо вӱдшорым аварий ден посна эртарен колтымо, чодыраште тул пижын кертме лӱдыкшӧ тургымын эртымыже да моло йодыш- влакат каҥашалтыныт. Пӱртӱс поянлык министр Алексей Киселёвын ойлымыжо почеш, чодыраште тул тӱн шотышто шекланыде пайдаланымылан да волгенче перымылан кӧра пижеш. Шӱдӧ процент чодыра пожарым икымше суткаштак йӧртымӧ. Амалжым да титаканже- влакым рашемдаш материалым МЧС-ын республикысе тӱҥ виктемжын надзор пӧлкашкыже колтымо. Тулым йӧрташ да тудым шижтараш тений 70 миллион наре теҥге оксам ойырымо. Туныктыш министр Лариса Ревуцкая иктешлыше кугыжаныш аттестаций нерген ойлен. Тений аттестацийыште 9-ше ден 11-ше класслам тунем пытарыше лу тӱжем утла выпускник участвоватла. Экзаменым эртарыме 125 пунктым ыштыме. Аттестацийыште тыршыше пашаеҥ- влак тунеммашым эртеныт. Тунемше- влакын вашмутыштым тергаш 24 предмет комиссийым ыштыме. Тушто 636 еҥ тырша. Тенийсе экзамен кампаний штат режим дене эрта да 17-ше июльышто мучашлалтеш
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
