Теҥгече элна Российын кечыжым кумдан пайремлыш

Теҥгече элна Российын кечыжым кумдан пайремлыш
            Теҥгече элна Российын кечыжым кумдан пайремлыш. Йошкар-Оласе Ленин лӱмеш площадьыште тиде пайремлан пӧлеклалтше торжественный мероприятий эртыш. Марий Элым вуйлатыше Юрий Зайцев калыкым элнан тӱҥ кугыжаныш пайремже дене саламлен да палемден: тиде кече калыкын икоян, Элнан эрыкан улмыжым да пеледмыжым, калыкнан эртыме геройло илышыжым ончыкта Республикым вуйлатыше ешарен: Марий Эл Ачамландын пеледалтмашкыже достойный надырым пышта. Боец- влак лӱмын эратрыме сар операцийыште Элнан интересшым аралат, патырлыкым да героизмым ончыктат. Республикын экономикыште да социал сферыште сеҥымашыже Российлан вияҥаш полшат, суверенитетшым пеҥгыдемдаш йӧным ыштат.
             Регионым вуйлатыше рӱдӧ олан ӱдыр-рвезыже- влаклан паспортым, ойыртемалтше еҥ- влаклан наградым кучыктен. Россий Президентын тауштымашыжым Марий Элыште айдемын праваже шотышто уполномоченный Фанис Мухаметгаливлан увертарыме. «Марий Эл ончылно надырлан» икымше степенян орденым МарНИИЯЛИ-н «археологий» корно дене тӱҥ шанче пашаеҥже Татьяна Никитиналан пуымо. Чолга мер пашаеҥ, «Демос» кычалше отрядым вуйлатыше, Йошкар-Ола шыл комбинатын метрологий да автоматике службыжын тергыме да вискалыше прибор ден автоматике шотышто слесарьже Дмитрий Шипуновлан «Марий Эл ончылно надырлан» кокымшо степенян орденым кучыктымо.
              «Марий Эл ончылно надырлан» орденын медальжым «Гранит» посна оролышо предприятий» ушемын директоржо, «За Марий Эл» поро кумыл фондын директоржо Роман Золотухинлан, Шернур районысо сарын да паша ветеранже- влак советым вуйлатыше Зинаида Зориналан, Республикысе профушем организаций- влакын ушемыштым вуйлатыше Александр Майоровлан пуымо.
           Тыгак Марий Элым вуйлатышын «Украиныште лӱмын эртарыме сар операцийын участникшылан» медальжым Андрей Протасевич, Юрий Петрин, Андрей Ситников налыныт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски