Рӱдӧ олаштына олмыкташлан Мер контрольын тергымашыже умбакыже шуйна

             Рӱдӧ олаштына олмыкташлан Мер контрольын тергымашыже умбакыже шуйна
             Рӱдӧ олаштына олмыкташлан Комсомольский уремысе кудывечым ончен лектыныт. Мер контрольын кудывечылан могай улмыштым тергымашыже умбакыже шуйна. Шукерте огыл верысе калык дене мер пашаеҥ Артём Воронов, ола администрацийын, пӧрт воктен верланыше Оласе йоча эмлыме верын еҥышт вашлийыныт. Палемдыме: кудывечыште корно лунчыргышо, парковко вер уке, подъездыш пурымо вер- влак олмыктымашым йодыт, изи архитектуро формо- влакым уэмдаш кӱлеш. Тиддеч посна шӱк-куштырам да чоҥымо шолдыра отходым шупшыктымо йодышым каҥашыме. Вашлиймаш почеш тергыме актыш замечаний ден темлымаш- влакым пуртымо.
             Тыгак Пархоменко уремыште кудывечым олмыктымо йодышым верысе калык дене каҥашыме. 4-ше да 6-шо пӧрт кудывечылаш мер контроль миен. Тушто 26-шо номеран гимназий верланен, йоча- влакым машина дене кондат, но машина дене пурымо корно начар. Шуко пачеран пӧртлаште илыше- влак дене кудывечым олмыктымо, корно шартышым, савар- влакым ыштыме нерген ойлымо. Тыгак шӱк-куштырам шупшыктымо йодышат ончылно шога. Тыштат чыла темлымашым тергыме нерген актыш возымо.- увертара олан мэрийже.
         Фото: Йошкар-Олан мэрийже.

Прошлые выпуски