Марий йылме дене савыктыме икымше книгалан 220 ий темеш
Марий йылме дене савыктыме икымше книгалан 220 ий темеш. Чавайн лӱмеш калыкле книгагудышто 28-ше мартын 11 шагатлан финно-угровед- влакын Марий регионысо комитетышт ден Калыкле книгагудо тиде лӱмгечылан пӧлеклалтше пырля заседанийым эртарат. «Сокращённый катехзис с присовокуплением некоторых молитв, символа веры и 10 заповедей на русском и черемисском языках» лӱман книгам 1804-ше ийыште Москошто савыктыме. Книгаште кӱчыкын православий юмылан ӱшанымашын да шӱм-чон яндарлыкын негызше нерген каласкалыме. Шочмо мут дене миссионер- влак калыкым шке верашт деч кораҥдаш шоненыт. Шочмо йылме дене юмылтымаш полшымо дене чимарий- влакым черкыш кумылаҥдаш тыршеныт. Сандене марий йылме дене религий книга- влак кӱлеш лийыныт. Тыге марий йылме дене икымше книга шочын. Но чаманаш логалеш, тачысе кече марте тиде книган ик экземпляржат кодын огыл.
Фото: Тӱвыра министерстве.
Фото: Тӱвыра министерстве.
