Марий йылме дене утларак Башкортостаныште да Москошто илыше- влак лудыт

Марий йылме дене утларак Башкортостаныште да Москошто илыше- влак лудыт
             Марий йылме дене утларак Башкортостаныште да Москошто илыше- влак лудыт. Эн кумдан марла савыкталтше периодикым сеть площадкылаште лудыт. Марий Элыште илыше- влак деч посна марий йылме дене интернетыште материалым Башкортостан, Моско да Татарстаныште илыше- влак ончат. Вич эн чолга кундем радамыш тыгак Санкт-Петербургышто да Киров кундемыште илыше- влак пурат. Тидын нерген «Мегафон» мобил кыл операторын шымлымашыже ойла. Операторын ончыктымыжо почеш тений марий йылме дене сервис ден порталлашке колтымо дата-трафик кодшо ийысе тыгаяк жап дене таҥастарымаште 31 процентлан кушкын. Тидын годым 39 процент онлайн-данный Марий Элыште илыше- влаклан логалеш, 61 процентше моло кундемлаште илыше- влаклан. Округысо кок кундемын рӱдӧ олаже деч посна чолгалыкым Свердловск, Тюмень область да Тыва республике ончыктат. Эн кумдан шарлышылан марла лекше периодикын сеть савыктышыже шотлалтыт. Йодмаш дене Марий Элысе СМИ гына огыл, пошкудо кудемласе- влакат пайдаланат. Мутлан, Пошкырт велысе «Чолман» газет. Вара интернет-мутер, электрон книгагудо каят. Талукышто абонент- влак республикысе туризм нерген сайтлашке 15 процентлан чолганрак пураш тӱналыныт. Марий Элысе маршрутым чӱчкыдынрак Моско да Татарстан калык ончат.- увертара «Кидшер» сайт.

Прошлые выпуски