Республикым вуйлатыше «Регион самырык- влаклан» конкурсын очный йыжыҥыштыже Марий Элын проектшым аралымаште участвоватлен
Республикым вуйлатыше Россий Федерацийын субъектлаштыже самырык- влак политикым комплексно вияҥдыме программе- влакын Россий кӱкшытан «Регион самырык- влаклан» конкурсыштын очный йыжыҥыштыже Марий Элын проектшым аралымаште участвоватлен. Аралымаш самырык- влакын федерал агентствыштышт эртен. Юрий Зайцев Росмолодёжым вуйлатышын алмаштышыже Дамир Фаттахов дене пашаче вашлиймашым эртарен. Тушто республикыштына самырык политикым вияҥдыме ончыкылыкым каҥашыме. Дамир Фаттахов палемден: «Регион самырык- влаклан» программе элысе чыла регионышто самырык- влаклан инфраструктурым ышташ йӧным пуа. Марий Элым вуйлатыше каласен: Марий Элын пуымо йодмашыжын тӱҥ цельже- самырык тукымым шочмо элым йӧратыме шӱлешеш шуарыме пашам уэмдымаш. Республикыште кызыт 170 тӱжем наре самырык еҥ ила. Нунылан самырык да добровольчестве рӱдер- влак почылтыт, грант ден стипендий пуалтеш, у школ, ешартыш шинчымаш рӱдер, спорт секций- влак чоҥалтыт. Но самырык тукымын моштымашыжым, талантшым почмо шотышто тыршымына самырык еҥ эн тӱҥжым- Шочмо элжым аклаш ок тунем гын, шке илышыжым элын пӱрымашыже дене ок кылде гын, тиде элыште илаш пашам ышташ, ешым чумыраш да икшывым кушташ ок тӱҥал гын, нимоланат ок кӱл лиеш, - каласен Юрий Зайцев. Тӱҥ докладым Республикысе самырык политике комитетым вуйлатыше Станислав Игошин ыштен. Тудо патриотизм шӱлышеш шуарыме инфраструктура объект- влакым ыштыме, «Авангард» рӱдер негызеш самырык- влак дене пашам ыштыме у площадке- влакым почмо, Российысе «Патриотизмын лу шӧрынжо» концепцийже кышкарыште самырык-шамычлан мероприятийым эртарыме вер- влакым презентоватлен. Эксперт- влак проектым аралымашым кӱкшын акленыт. Конкурсышто сеҥыше- влакым Российысе самырык- влакын кечыштышт 29-ше июньышто увертарат. Эн сай программе- влак федерал казна гыч субсидийым налыт.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
