Семёновкышто ушан спорт площадке ден модулян спортзал лийшаш улыт

Семёновкышто ушан спорт площадке ден модулян спортзал лийшаш улыт
          Семёновкышто ушан спорт площадке ден модулян спортзал лийшаш улыт. Олимпий резерв училище кундемыште модулян спорт залым, универсал спортплощадкым, уремысе тренажёр- влакым вераҥдат. Кумдыкым тӱзландарыме пашам «Орион» чоҥышо компаний» ушем шукташ тӱналеш. Пашан акше 66 миллион теҥгем эрта. Проект да смета документаций дене келшышын тиде кумдыкышто кушкылым шындат, пеледыш йыраҥым, урем тренажёрлан площадкым, воркаутым, стритбаскетлан верым, волейбол площадкым, велопарковкым, автопарковкым ыштат, тӱжвал волгыдым, видеоэскерымашым пуртат, скандинав коштмашлан корно, теҥгылан каныме вер- влак лийыт,- увертара олимпий резерв училищын директоржо Наталья Беткузина. Тудын мутшо почеш спорт комплекс училищын студент ден спортсменже- влаклан тунемаш да тренироватлалташ, калыклан тазалыкым пеҥгыдемдаш ышталтеш. Верысе калык тушко оксам тӱлыде коштын кертеш.
         Фото: ВНД.

Прошлые выпуски