Марий Элыште «Комендант шагатым» пудыртышо ийготыш шудымо 27 самырык еҥым кученыт
Марий Элыште «Комендант шагатым» пудыртышо ийготыш шудымо 27 самырык еҥым кученыт. Полицейский- влак «Подростко-Йӱд» рейд мероприятийым эртареныт. Порядкым эскерыше- влак ийготыш шудымо- шамычын кошташ йӧратыме верлашке миеныт: ужалкалыме рӱдерлашке, кинотеатр ден кафешке, клуб ден дискотекыш, парк ден стадионлашке да моло вереат. Рейд жапыште нунын погынымо 320 верым тергыме. Правам аралыште- влак 27 подросткым кученыт. Нуно йӱдым тӱшка верлаште кугыеҥ деч посна лийыныт. Нунын ача-аваштым административно мут кучаш шогалтеныт. Ушештарена: кеҥежым икымше июнь гыч 31-ше август марте республикыште ийготыш шудымо- влаклан «комендант шагатым» 23 шагат гыч 5 шагат эр марте пеҥгыдемдыме. Тиде жапыште нуно тӱшка верлашке кугыеҥ деч посна лекшаш огытыл.
