Российыште таче Пограничникын кечыже палемдалтеш

Российыште таче Пограничникын кечыже  палемдалтеш
              Российыште таче Пограничникын кечыже  палемдалтеш. Тиде шарнымашан дате 1918-ше ийыште РСФСР пограничный охранын тӱҥ виктемжым ыштыме дене кылдалтын. Йӱла семын тиде кечын ужар вуйчиеман, йошкар-ужар тистан еҥ- влак паркыш погынат. Российысе чекым аралыше- влак ончылно шогышо задачын кӱлешлыкше нерген Президент Владимир Путин личный состав да службын ветеранже- влак деке обращенийыштыже каласен. Кӱлешан лектышыш чек пашан чыла корныштыжат шуаш кӱлеш. Шолып миграций да осал паша, наркотрафик, контрабанда да теҥыз поянлыкым закондымын коштыктымо ваштареш кучедалман. Пошкудо- влак дене Тӱнямбал экономик да гуманитар вашкылым вияҥдаш йӧным ыштыман. Чек орган- влак ӱмбаке чынжымак кугу да ответственный задаче- влакым пыштыме. Ӱшанем: те ончыкыжмат нуным достойно виктараш тӱналыда, - каласен Владимир Путин. Элым аралыме годым вуйым пыштыше пограничник- влаклан чапкӱ воктеке пеледыш аршашым пыштыме. Погынышо- влак илышым пуышо воин- влакым ик тат шып шоген шарналтеныт.
       Фото: Тина Яровикова/ «Марийская правда».

Прошлые выпуски