Медицина пашаеҥ- влаклан тылзе еда тӱлаш социал полышым палемдыме
Республикыштына медицина пашаеҥ- влаклан тылзе еда тӱлаш социал полышым палемдыме. Российысе медик- влак тений тылзе еда ныл тӱжемат пеле гыч 18 тӱжемат 500 теҥге марте социал полышым налаш тӱналыт. Тиде пунчалым Россий Правительствын сайтыштыже савыктыме. Тыгай полышым чылаже ик миллионат 100 тӱжем наре еҥ налшаш. Тений тиде пашалан 152 миллиардат, 400 миллион теҥгем палемдыме. Ещартышым тазалыкаралтышын первичный звеножын врач ден специалистше, вашке полышын пашаеҥже, ялыште да тора кундемлаште ыштыше- влак, тыгак неле шымлымашым эртарыше эксперт- влак налаш тӱналыт. 18 тӱжемат пелым районласе рӱдӧ, район да участковый эмлыме верлан врачыштлан пуат. 14 тӱжемат 500 теҥгем поликлиникылан да моло амбулаторный тӧнежын врачышт, 11 тӱжемат 500 теҥгем вашке полыш станцийын, пӧлкан, шымылмашым эртарыше кӱшыл медицина огыл шинчымашан врач да медицина пашаеҥ- влаклан пуат. Район да участковый эмлыме верлан медшӱжарышт 8 тӱжемым, вашкеполышын медшӱжарышт 7 тӱжем теҥге дене налыт. Кыдалаш шинчымашан медпашаеҥ- влаклан 6 тӱжемат 500 теҥгем ешарен тӱлат. Изирак медперсонал ныл тӱжемат 500 теҥге ешартышым налеш. Январьлан оксам февральыште пуаш тӱҥалыт.
