Медведево районышто эше ныл илемыш газ толын
«Газпром газораспределение Йошкар-Ола» организацийын специалистше- влак Медведево районышто посёлко кокласе газпучым пашаш колтеныт. У пуч Кугуван, Кӱшнур, Немдыш Кутыр ялласе да Лесной посёлкысо 127 пӧртыш газым пурташ йӧным пуа. 9 меҥге кужытан газпучым «Газпром газораспределение Йошкар-Ола» компаний «Российысе кундемлаш газым пуртымаш» программе почеш чоҥен. Кызыт специалист- влак газым ситарыме системыш илыме пӧртлам да социал объектлам ушат. Тений тиде программе почеш Медведево, Куженер да Курык марий районлаште ныл газпучым чоҥеныт. Нуно 1300 пӧртым газ деке ушаш йӧным ыштеныт.
