Медведевыште Юбилейный площадьым тӱзландарен пытарыме
Медведевыште Юбилейный площадьым тӱзландарен пытарыме. Тудым «Оласе йӧнан кумдыкым ыштымаш» федерал проект почеш ыштыме. Кумдыкым эше 2021-ше ийыште вашталташ тӱҥалме ыле. Вара йыжыҥын-йыжыҥын 2023-шо ий марте шуйымо. Тиде жапыште тушто фонтаным ыштыме, светильник, изи архитектур формо- влакым вераҥдыме, тӱвыра да каныш рӱдер ончылно тротуар плиткам оптымо. Тыгак посёлкын рӱдыштыжӧ йолын коштмо верыште Советский урем мучко поликлинике ден «Олимп» стадион марте брусчаткым шарыме. Юбилейный урем мучко йолешке зонымат уэмдыме.- увертара чоҥымаш министерстве.
Фото: Денис Костромин
Фото: Денис Костромин
