Правительстве пӧртыштӧ Йошкар-Олаште «Юбилейный» спорткомплексым чоҥымо шотышто инвестиций проектым каҥашеныт
Марий Элын Правительстве пӧртыштыжӧ Йошкар-Олаште «Юбилейный» спорткомплексым чоҥымо шотышто инвестиций проектым каҥашеныт. Марий Элым вуйлатыше Юрий Зайцев архитектура, олам чоҥымо, объект- влакым чоҥымаш, социал, инженер, транспорт инфраструктурым вияҥдымаш йодыш дене Советын заседанийжым эртарен. Заседанийыште Советский, Хасанов, Карл Маркс, Панфилов уремла коклаште илыме да спорт комплексым чоҥымо шотышто инвестиций проектым шыҥдараш лиймым каҥашыме. Юрий Зайцевлан увертареныт: кызыт «Юбилейный» спорткомплексым чоҥымо шотышто проект ямдылалтеш. Шымлымашым эртарыме да иктешлымашым ыштыме- зданийым пужен ышташ шотлан ок тол. Илыме да спорт комплексым нӧлташ инвестор ямде. Тудо проект нерген радамлын каласкален. Марий Элым вуйлатыше палемден: проектым шыҥдарыме годым спорт комплекс шке вержым да лӱмжым арален кодышаш. Заседанийыш погынышо- влак тыгак проектым тӧрлымӧ шотышто шке темлымашыштым каласеныт. А объект- влакын архитектурно- художественный тӱсыштым сайлан шотленыт.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
