Республикысе калык шке тазалыкшым оксам тӱлыде вич эмлыме верыште терген кертеш

Республикысе калык шке тазалыкшым оксам тӱлыде вич эмлыме верыште терген кертеш
                Республикысе калык шке тазалыкшым оксам тӱлыде вич эмлыме верыште терген кертеш. Сентябрьыште эмлыме верлаште тазалык кече- влак эртат. Еҥ- влак кӱлешан специалист- влак дене медосмотрым яра эртен кертыт. 5-ше сентябрьыште 9 шагатат 30 минут гыч 13 шагат марте Республикысе клиник эмлыме верын гинекологшо, пульмонологшо У Торъял районысо эмлыме верыште кумылан- влакым тергат. 6-шо сентябрьыште 8 шагатат 30 минут гыч 13 шагат марте Звенигово рӱдӧ эмлыме верын дерматологшо, окулистсше, акушер-гинекологшо, отоларингологшо, неврологшо, эндокринологшо, кардиологшо, хирургшо Мочалище врач амбулаторийыште лийыт. 19-ше сентябрьыште 9 гыч 13 шагат марте Медведево рӱдӧ эмлыме верын терапевтше, кардиологшо, эндокринологшо, дерматовенерологшо Озакъял  Фельдшер-акшер пунктышто калыкым вучат. 22-шо сентябрьыште 9 гыч 12 шагат марте Оршанке рӱдӧ эмлыме верын терапевт ден неврологшо Лужбеляк фельдшер-акушер пунктышто пациент- влакым вучат. 26-шо сентябрьыште 9 гыч  12 шагат марте Марий Турек рӱдӧ эмлыме верын терапевтше Малые Нослы ялыште приёмым эртара. Пелен паспортым, полисым, СНИЛС-ым налман.

Прошлые выпуски