Михаил Васютин добровольчествым вияҥдыме йодыш дене заседанийым эртарен

Михаил Васютин добровольчествым вияҥдыме йодыш дене заседанийым эртарен
Марий Эл правительстве председательын икымше алмаштышыже Михаил Васютин Республикым вуйлатыше пеленсе добровольчествым вияҥдыме шотышто советын заседанийжым эртарен. Тудо палемден: тений волонтёр рӱдер- влак ассоциацийын еҥыштын пашаштым иктешлымаш почеш Республикысе Самырык- влак полатын волонтёр пашам вияҥдыме рӱдерже ончыл организаций- влак радамыш пура. Доброволец- влакын чотышт кушкын толеш. Тушко кугурак ийготан- влакат кумылын ушнат. «Российын доброволецше» конкурсын лектышыже почеш Марий Эл гыч кум проект финалист лийын. Нуно инвалид-йоча- влаклан полшымо да инклюзивный туризмым вияҥдыме дене кылдалтыныт. Эртыше спартакиадыште республикысе волонтёрство кугу экзаменым кучен. Нуно тыгай кугу пашам ыштен кертмыштым пеҥгыдемден ончыктышт. Спорт-туризм министр Лидия Батюкова добровольчествылан полшымо стандартым шыҥдарыме нерген ойлен. Ме 100 процентлан ямде улына манын тудо. Тыгак Самырык- влкын полатышт пелен тиде толкынлан полшышо ресур рӱдерым почмо нерген ойлен. Кызыт тушто олмыктымо паша кая. Адакшым толкынлан полшаш республикым вуйлатышын грантшым палемдыме. Мучашлан правительстве вуйлатышын икымше алмаштышыже волонтёр толкынын чолга еҥже- влаклан тауштымашан кагазым кучыктен.

Прошлые выпуски