Михаил Васютинын пашажым кӱкшын аклыме

Михаил Васютинын пашажым кӱкшын аклыме
          Марий Элым вуйлатыше Юрий Зайцев Правительстве вуйлатышын икымше алмаштышыже Михаил Васютиным «Марий Эл ончылно надырлан» орденын медальже дене наградитлыме нерген Указеш кидпалыжым пыштен. Документым республикым вуйлатышын сайтыштыже савыктыме. Указыште палемдыме: наградым Марий Элым социал да экономик велым вияҥдымашке пыштыме кугу надырлан пуымо. Михаил Васютин вуйлатыме пашажым Республикысе калык усталык да культпросвет пашан шанче да методике пӧлкажын заведующийже гыч тӱҥалын. 1997-ше гыч 2017ше ий марте тӱвыра министрлан да правительстве вуйлатышын алмаштышыжлан ыштен. 2017-ше ий ноябрь гыч Марий Эл Правительстве вуйлатышын икымше алмаштышыже улеш.

Прошлые выпуски