Марий Элышке кӱкшӧ качестван шӱрымӧ ӱйым, битум материалым да авиаций топливым кондаш тӱҥалыт
Марий Элышке кӱкшӧ качестван шӱрымӧ ӱйым, битум материалым да авиаций топливым кондаш тӱҥалыт. Петербургысо экономик форум кышкарыште Марий Элым вуйлатыше Юрий Зайцев ден «Газпром нефть» акционер ушем правленийын Председательже Александр Дюков дене вашкыл нерген соглашенийым пеҥгыдемденыт. Тудын дене келшышын компаний регионыш каласыме материал- влакым кондаш тӱналеш. Тыгак компаний корным чоҥымаште у решений- влакым темла. Тидыже республикын транспорт да логистике инфраструктурым вияҥдаш полша. Асфальт бетон шартышым ӱшанлым ышташ полимер материалым кучылташ палемдалтеш. «Газпром нефть» компанийын битум материалже 300 утла тӱрлӧ лӱм дене лукталтеш, рецептурыжым климатым шотыш налын ыштыме. Соглашений кышкарыште «Газпром нефть» Марий Элысе предприятий- влаклан энергетике комплексыште, пушеҥгым обрабатыватлымаште, машиностроенийыште, пищевой промышленностьышто да ял озанлыкыште кучылтмо тӱрлӧ технике ден оборудованийлан автомобиль да индустриал ӱй- влакым шупшыкташ ямдылалтеш. Вашкылын посна корныжо семын Йошкар-Ола аэропортыш авиатопливым кондымаш шотлалтеш
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
