Марий Турек районышто 18 меҥге кужыт корным олмыктат

Марий Турек районышто 18 меҥге кужыт корным олмыктат
          Марий Турек районышто 18 меҥге кужыт корным олмыктат. Марий Турек- Марий Пыламарий корнын 18 меҥгат 200 утла метр кужыт ужашыштыже олмыктымо пашам кодшо кугарнян тӱналме. Специалист- влак оваргыше да волен шичше, тореш да кутышеш шелше верлажым кораҥдат. Вара подрядчик асфальтым шара. Тыгак корнын шымше меҥгыштыже Китне эҥер гоч кӱварым олмыктат: кызыт балкыжым, савар шотан чаракшым вашталтеныт, тӧремдыше пачаш бетоным шарыме, гидроизоляций ден вӱдым йоктарен колтымыжым ыштеныт. Ынде подрядчик транспорт коштмо ужашыште асфальтым шара. Кӱварым июнь мучашлан пашаш колташ шонат. Чыла олмыктымо пашам «Качестван лӱдыкшыдымӧ корно» калыкле проект кышкарыште шуктат. Тиде проект кышкарыште тений республике мучко 288 меҥге автомобиль корным олмыкташ палемдыме.
       Фото: Марий Элысе корно- влак.

Прошлые выпуски