Марий Эл ден Санкт-Петербургын правительствышт кылым вияҥдаш тӱналыт

Марий Эл ден Санкт-Петербургын правительствышт кылым вияҥдаш тӱналыт
             Марий Эл ден Санкт-Петербургын правительствышт торгово-экономик, шанче-техник, социал да тӱвыра аланыште кылым вияҥдаш тӱналыт. Чыла нине корным Юрий Зайцев дене Санкт-Петербургын губернаторжо Александр Беглов дене экономик форумышто пеҥгыдемдыме соглашенийыш пуртымо. Соглашений тӱрлӧ йодыш дене вашкылым вияҥдаш виктаралтын. Тушко  торгово-экономик, турист, транспорт, шанче, туныктыш, экологий, увер, социал, тӱвыра, спорт, мланде ден пого сфере- влак пурат. Марий Эл ден Санкт-Петербург да Ленинград область коклаште шукертсек йолташла кыл пеҥгыдемын. Мутлан, тушто кок марий калыкле- тӱвыра мер ушем пашам ышта. Кызыт ыштыме соглашений тиде кылым утларак пеҥгыдемда. Пискарев мемориал шӱгарлаште блокдан Ленинградым аралыме годым вуйым пыштыше Марий Элын шочшыжо- влаклан шарнымашан плитам торжественно почмо. Марий мланде гыч фронтыш налме да Лениградым аралыше- влак нерген книгам лукмо. Кодшо ийын Марий Элын кечыже да Калыкын икоян улмо кечыже лӱмеш Санкт-Петербургышто марий сӱретче- влакын выставкышт эртен. Тений январьыште Марий Элым вуйлатыше Юрий Зайцев Санкт-Петербург ден Ленинград областьысе марий землячествын еҥышт дене вашлиймашым эртарен ыле.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски