«Йошкар-Ола-Шап- Шемъер» визымше марафон 23-шо июньышто эрта
«Йошкар-Ола-Шап- Шемъер» визымше марафон 23-шо июньышто эрта. Лӱмгече куржталмашлан старт Ленин лӱмеш тӱвыра полат воктене Сеҥымаш паркыште пуалтеш. Рушарнян марафоныш кужу дистанцийыш куржталаш йӧратыше- влак лектыт. Нунылан 21 меҥгат 100 метр да 42 меҥгат 200 метр темлалтеш. Йӱла почеш марафоныш Сеҥымаш парк гыч 6 шагат эрдене тарванат, а 8 шагатлан пел марафоныш куржшо- влак лектыт. Финиш Шемъерыште лиеш. Организатор- влак Александр ден Ндежда Федяковмытын мутышт почеш регистрироватлалтше куржталаш йӧратыше- влак оҥеш пижыктыме номерым налыт, дистанцийыште пурлмо вер лиеш, а финиш деч вара саламлымаш, спонсор- влак деч пӧлекым кучыктымаш, Шем ерыште йӱштылмаш, шокшо кочкышым пукшымаш да Йошкар-Олаш кудалмаш вучат. «Йошкар-Ола-Шап-Шемъер» марафон 2020-шо ий годсек эртаралтеш. Кодшо кеҥежым 86 куржталше ушнен ыле. 42 меҥгыште сеҥышыш Алексей Матвеев ден Татьяна Рослякова, 21 меҥгыш куржмаште Николай Иванушкин ден Татьяна Александрова лектыныт. Нине ийлаште чылаже российысе 15 ола да республикысе чыла гаяк муниципалитет гыч 143 куржталше стартыш лектын.
Фото: Евгений Томеев/Йошкар-Ола – Шап – Шемъер марафон/ВК.
Фото: Евгений Томеев/Йошкар-Ола – Шап – Шемъер марафон/ВК.
