Республикыштына пушеҥгым эн сайын сӱмырышӧ- влакым палемденыт

Республикыштына  пушеҥгым эн сайын сӱмырышӧ- влакым палемденыт
              Республикыштына  пушеҥгым эн сайын сӱмырышӧ- влакым палемденыт. Кодшо кечылаште Марий Элыште «Пушеҥгым эн сайын сӱмырышӧ-2024» лӱм верч профессионал мастарлыкым ончыктымо Регион- влак кокласе кӱкшытан конкурс эртен, Тушко Российын 11 регионжо да Беларусь гыч команде- влак толыныт. Таҥасымаш кок йыжыҥ дене эртен: Нолька чодыра участке кундемыште да Ленин лӱмеш площадьыште. Таҥасыше- влак вич упражненийым шыктышаш улыт ыле: пушеҥгым сӱмырышаш, укшыжым руышаш, пила цепьым вашталтышаш, пырням комбинированно пӱчкедымаш да  тӧр пӱчкедымаш. Пушеҥгым эн сайын сӱмырышылан Куяр лесничестве гыч Иван Харламовым шотлымо. Юниор категорийыште Моско область гыч Тимофей Селезнёв сеҥышыш лектын, а профессионал- влак коклаште икымше верым Брянск область гыч Андрей Азарин налын. Ончышо- влак  мастар-классыште участвоватлен, чарак полосам эртен, технике выставкым эртен кертыныт.
        Фото: Пӱртӱс поянлык министерстве.

Прошлые выпуски