Москошто Россий Правительстве вуйлатышын алмаштышыже дене Марий Элым вуйлатышын вашлиймашышт эртен
Москошто Россий Правительстве вуйлатышын алмаштышыже дене Марий Элым вуйлатышын вашлиймашышт эртен. Совещаний жапыште Марат Хуснуллин ден Александр Евстифеев «Лӱдыкшыдымӧ да сай качестван автомобиль корно- влак» да «Илыме вер ден оласе кумдык» калыкле проект- влакым шндарыме йодышым каҥашеныт. Тиддеч посна Йошкар-Ола- Зеленодольск федерал автомобиль корным пужен ыштыме, Йошкар-Олаште очистной сооруженийым чоҥымо нерген ойленыт. Александр Евстифеев шуктымо паша нерген каласкален. Паша уло куатын кая манын каласыме. Палемдыме деч корным ӱмаштат, теният утларак олмыктымо, вес ийланат план деч шукырак ышташ шонымаш уло. Тыге палемдыме семынак 50 процент корным норматив марте шуктыман. Ончыкылык кум ийлан паша план раш лийшаш палемденыт тушто. Марий Элын тыгай планже ямде,- каласен республикым вуйлатыше. А Йошкар-Ола- Зеленодольск корно нерген ойлымо годым палемдыме: тиде трасса, кӱлешан, тудым планыш пуртыман, тидым ыштена,- каласен Марат Хуснуллин. Вашлиймашыште тыгак «Юл эҥерым тазаҥдымаш» федерал проект нергенат ойлымо. Поснак Йошкар-Олаште очистной сооруженийым чоҥымо нерген. Рӱдӧ олаште тудым 60 ий утла чоҥымо огыл. Документаций уло, - палемден Евстифеев. Правительстве председательын алмаштышыже тиде тӱҥалтышым сайлан шотлен да шинйвундын тӱҥалтыш ужашыжым ойыраш лиеш манын да кӱлеш кӱштымаш- влакым пуэн.
