Йошкар-Олан спецтехнике автопаркышкыже у комбинированный корно машина- влак толыныт
Йошкар-Олан спецтехнике автопаркышкыже у комбинированный корно машина- влак толыныт. Ола администрацийын увертарымыж почеш, «Город» муниципал предприятийын 91 единице спецтехникыже уло. Тиде тӱрлӧ оборудованийым пижыкташ лийше эрыктыше машина, грейдер, трактор, бульдозер, погрузчик, ошмам кышкыше да моло агрегат- влак. «Город» МУП оласе 300 меҥге кужыт урем корнылам, парк ден скверлам, площадь ден моло кумдыклам обслуживатла. Кучылтмо ятыр техникыже тоштемын. Туге гынат, ойырымо изирак шийвундо денат техникым уэмден шогат. Тений у машинам налаш федерал рӱдер ден республикын правительствыже полшеныт. Комбинироватлыме ныл корно машинам налме. Телым нуно уремлам эрыктат да ошма деч посна ий ваштареш кучедалме материалым шарат. Кеҥежым нуным самосвал семын кучылтыт. Лишыл кечылаште у машина- влак, оборудованийым пижыктымеке, ола уремлаш лектыт.
