Республикысе промышленностьым вияҥдыме фонд икымше льготан займ-влакым пуэн
Республикысе промышленностьым вияҥдыме фонд икымше льготан займ-влакым пуэн. Тений сентябрьыште республикым социал-экономик велым вияҥдыме индивидуал программым шыҥдарыме кышкарыште ыштыме тиде фонд таҥасен кертше сатум лукшо промышленный предприятий- влаклан икымше кок займым пуэн. «Алатойс» предприятий у сатум лукташ шона: йоча- влаклан пӱкеным, ӱстелым, кроватьым. Проект кышкарыште лу утла у пашавер лекшаш. Ойырымо оксалан кӧра организаций у технологий оборудованийым налын кертеш. «Таливенда» ушем шке производствыжым модернизироватлаш да лукмо продукцийын ассортиментшым да качествыжым кугемдаш задачым шынден. Тудат у оборудованийым налеш. Тыге 12 у пашаверым почеш. Шукерте огыл промышленностьым вияҥдыме федерал фонд дене пеҥгыдемдыме соглашенийлан кӧра республикысе промышленный предприятий-влаклан оксам талукышто 1, 3 да 5 процент дене налаш йӧным пуа. Промышленностьым вияҥдыме фондын заёмжо кугыжаныш полышын ик мерыжлан шотлалтеш. Республикысе промышленностьым вияҥдыме фондын директоржо Владислав Николаевын мутшо почеш, заём оксам пуымаш промышленный предприятий- влакым йодмашым пуаш кумылаҥдышаш. Фонд шке велымже эре полшаш ямде.
