Йошкар-Ола гыч Магамед Эминов самбо дене Юл кундем округын чемпионатыштыже сеҥышыш лектын

                        Йошкар-Ола гыч Магамед Эминов самбо дене Юл кундем округын чемпионатыштыже сеҥышыш лектын. Самырык спортсмен 53 килограмм марте нелытан- влак коклаште шӧртньӧ медальым сеҥен налын да «Российын спорт мастерже» лӱмжым пеҥгыдемден. Юл кундемысе эн виян самбист- влакын таҥасымашышт кодшо кечылаште Угарман кундемысе Кстово олаште эртен. Тушто Олимпий резерв училищын патырже, Россий кубкын той призёржо Магамед Эминов «шӧртньым» налын. Тренерже- влак Сергей ден Андрей Ялпаевмыт да Сергей Гуляев. Ынде тудо Оренбург олаште февраль мучашыште лийшаш Российын чемпионатыштыже вийым тергаш правам налын.

Прошлые выпуски