Провой вел гыч 29 тулык йоча шке илеман лиеш
Тений Звенигово район гыч 29 тулык йоча у пачерым налеш. Звенигово районышто илыме верым налаш 160 тулык йоча черетыште шога. Тений у пачер дечын сравочым 29 еҥже налеш. Тиде кечылаште эше ныл тулык да ача-аван полышыж деч посна кодшо икшыве- влак район администрацийым вуйлатыше Владимир Геронтьевын кидше гыч у пачерлан правам налыныт. Чыла пачержат йодмашлан келшен толеш: олмыктымо, пластик окнам шыныдме, плита, ырыктыше газ котел, сантехнике уло.
