Марий Элым вуйлатыше динамо толкыным вияҥдымашке надырым пыштыше республикысе силовой структурын еҥже-влакым саламлен
Марий Элым вуйлатыше динамо толкыным вияҥдымашке надырым пыштыше республикысе силовой структурын еҥже- влакым саламлен. Российысе «Динамо» физкультура да тазалыкым пеҥгыдемдыме ушемым ыштымылан 100 ий теммылан пӧлеклалтше торжественный мероприятий МВД-н коллегий залыштыже эртен. Тушто Эл кӧргӧ паша министр, «Динамо» ушемым вуйлатыше Андрей Вырвич, кучемын федерал органже- влакым вуйлатыше, наградым кучыктымо лӱдыкшыдымылык да правопорядке органлан сотрудникышт, «Динамо» спортобществын ветеранже ден спортсменже- влак лийыныт. Республикым вуйлатыше погынышо- влакым саламлен да палемден: «Динамон» историйже ыштыме жап гыч тачысе кече марте мамнан калыкын да кугыжанышын историйже дене ойыраш лийдымын кылдалтын. Обществын воспитанникше- влак эре патырлыкым, порыслан ӱшанле улмым, Эллан служитлаш яммде улмым ончыктеныт. Динамовец- влакын лӱмышт уло тӱнялан палыме улыт- ик гана веле огыл олимпий модмашын, тӱнян, Европын, элнан чемпионжо- влак – каласен Юрий Зайцев. «Динамо ушем» элысе чыла субъектыштат пашам ыштыше ик спорт организаций гына,- палемден Юрий Зайцев. Мероприятий кышкарыште «Динамо» толкынын ветеранже ден сотрудникше- влаклан наградым кучыктымо.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
