Марий Элыште марий калыкын Россий кӱкшытан 12-шо погынжылан ямдылалтмаш чолган кая
Марий Элыште марий калыкын Россий кӱкшытан 12-шо погынжылан ямдылалтмаш чолган кая. Теҥгече Марий Элым вуйлатыше Юрий Зайцев организационный комитетын икымше заседанийжым эртарен. Тудо палемден: тиде- республикылан гына огыл, пӱтынь эллан кӱлешан событий, Республикын Правительствыже тӱрлӧ велым полшаш ямде. Погын- влак исполнительный да законодательный кучем орган, верысе самоуправлений, пӱтынь калыкын форумын шындыме задачым шукташ каҥашыме да темлымаш- влакым лукмо, пашам саемдаш шонымаш- влакым каласыме площадке,- каласен Юрий Зайцев.
Тӱвыра министр Константин Ивановын мутшо почеш, эн уста сӱретче- влакын «Марий кундем» ончерыштым ямдылаш да погынлан пӧлеклаш палемдалтеш манын. Театрлаште марий да руш йылме дене спектакль- влак лийыт. Погынымо кечын марий кас эрта.
Мер-политик рӱдерын директоржо, Марий мер каҥашым вуйлатыше Эдуард Александров Республикын правительствыжлан погыным ямдылаш полшымыжлан таум каласен. Ямдылалтме раш план дене палдарен да Погынын эртыме кечыжым Пӱтынь марий Каҥашын Пленумжо рашемда манын. Тудыжо тений 13-шо октябрьыште эрта. Ӱжмӧ еҥ- влак радамыште кугыжаныш да мер пашаеҥ, районла да марий – влакын тӱшкан илыме кундемла гыч еҥ- влак лийыт. Делегат- влакым унагудылашке вераҥдат, кечеш кум гана пукшат, нунылан тӱвыра программе ямдылалтеш.
Юрий Зайцев чыла темлымашым поддрежатлен да оргкомитетын еҥже- влакым ямдылыалтме мероприятийлашке чолган ушнаш ӱжын.
Фото: Марий Элым вуйлатышын администрацийжын увер дене пашам ыштыше пӧлкаже.
Тӱвыра министр Константин Ивановын мутшо почеш, эн уста сӱретче- влакын «Марий кундем» ончерыштым ямдылаш да погынлан пӧлеклаш палемдалтеш манын. Театрлаште марий да руш йылме дене спектакль- влак лийыт. Погынымо кечын марий кас эрта.
Мер-политик рӱдерын директоржо, Марий мер каҥашым вуйлатыше Эдуард Александров Республикын правительствыжлан погыным ямдылаш полшымыжлан таум каласен. Ямдылалтме раш план дене палдарен да Погынын эртыме кечыжым Пӱтынь марий Каҥашын Пленумжо рашемда манын. Тудыжо тений 13-шо октябрьыште эрта. Ӱжмӧ еҥ- влак радамыште кугыжаныш да мер пашаеҥ, районла да марий – влакын тӱшкан илыме кундемла гыч еҥ- влак лийыт. Делегат- влакым унагудылашке вераҥдат, кечеш кум гана пукшат, нунылан тӱвыра программе ямдылалтеш.
Юрий Зайцев чыла темлымашым поддрежатлен да оргкомитетын еҥже- влакым ямдылыалтме мероприятийлашке чолган ушнаш ӱжын.
Фото: Марий Элым вуйлатышын администрацийжын увер дене пашам ыштыше пӧлкаже.
