Марий Эл акушерство да неонатологий шотышто медицина полышым пуымо качествым аклыше рейтингыште чыла кундем коклаште икымше верым налын
Марий Эл акушерство да неонатологий шотышто медицина полышым пуымо качествым аклыше рейтингыште чыла кундем коклаште икымше верым налын. 41 показатель дене качествым эрыкан аклымашым Кулаков лӱмеш Москосо акушерство, гинекологий да перинатологий шотышто калыкле шымлыше медицина рӱдерын специалистше- влак эртареныт. Тыгай ак тиде шотлен, радамлен ыштыме пашан лектышыже.- палемден Марий Элысе тазалыкаралтыш министр Марина Панькова. Перинатал рӱдерын Кӱкшӧ технологиян корпусшым, кокымшо кӱкшытан азам ыштыме пӧлка- влакым пашаш колтымаш эн шуко кадрым да медицина оборудованийым иктыш чумыраш да ончыкылык ава ден аза-влаклан чапле полышым пуаш йӧным ыштен. Тӱрлӧ ситыдымашан мӱшкыран ӱдырымаш- влакым азам ышташ Йошкар-Оласе Перинатал рӱдерыш колтат. Тидыже черым, аван да азан колымыжым шагалемдаш полша. Кызыт Марий Элыште азан колымашыже Россий Федерацийысе деч шагалрак.
Фото: Тазалыкаралтыш министерстве.
Фото: Тазалыкаралтыш министерстве.
