Икымше октябрь гыч Российыште срочный военный службыш шыжымсе призыв тӱҥалеш

Икымше октябрь гыч Российыште срочный военный службыш шыжымсе призыв тӱҥалеш
                Икымше октябрь гыч Российыште срочный военный службыш шыжымсе призыв тӱҥалеш да 31-ше декабрь марте шуйна. Призыв почеш службын жапше ончычсо семынак - 12 тылзе. Сборный пунктла гыч призывник- влакым служба верыш 16-шо октябрь гыч колташ тӱҥалыт. Призывник- влакын ик кумшо ужашыже тунемме соедидений ден частьлашке каят. Тушто у, кызытсе жаплан келшыше военный техникым тунемыт, военно-учёт специальностьым налыт, вара войскаш пӧртылыт. Чыла призывникымат Россий кундемлаш колтат, но у регионлашке- ДНР, ЛНР. Херсон да Запорожье кундемлаш огыт колталт, лӱмын эртарыме сар операцийышкат огыт ушно. Военный служба жапышт эртыше военнослужащий- влак шке жапыштыже мӧҥгышт пӧртылыт. Контр-адмирал Владимир Цимлянскийын мутшо почеш ешартыш мобилизаций нерген нимогай план уке. Кызыт контаркт почеш але доброволец семын СВО-ш каяш кумылан- влак ситышын улыт.

Прошлые выпуски