Ончычсо вуйлатыше ӱмыр лугыч лийын

Ончычсо вуйлатыше ӱмыр лугыч лийын
              Ойгандарыше увер. Таче лӱмлӧ кугыжаныш деятель Александр Александрович Евстифеев илыш дене чеверласен. Тудо 67 ийыш тошкалын ыле. Александр Александрович 1958-ше ий 14-ше майыште Челябинск областьысе посёлкышто шочын да уло илышыжым мер да политике пашалан пӧлеклен. Тудо кӱлешан постлаште пашам ыштен, 2017-ше- 2022-шо ийлаште Марий Эл Республикым вуйлатыше лийын, ушан да ончыко ужын моштышо лидер семын шкенжым ончыктен. Тудын вуйлатымыже дене республике социал-экономик вияҥмаште сай кӱкшытыш шуын. Калыкын илышыжым саемдаш тыршымыже, тӱвыра инициативе- влакым поддержатлымыже, республикысе пӱсын шогышо йодыш- влакым виктарымаште чолган участвоватлымыже калыкын ушешыже кужу жаплан кодыт. Тудын лишыл еҥже- влаклан шке чаманымашыштым Марий Элым вуйлатыше Юрий Зайцев, Марий Элыште тӱн федерал инспектор Сергей Беляков, правительствын еҥже- влак каласеныт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски