СВО-н участникше- влак «Пӱнчер» санаторийыште ешышт дене пырля каналтен кертыт
СВО-н участникше- влак «Пӱнчер» санаторийыште ешышт дене пырля каналтен кертыт. Марий Элым вуйлатышын нунынлан полышым пуымо шотышто Указышкыже вашталтышым пуртымо. Тыге, «Пӱнчер» санаторийыште лӱмын эртарыме сар операцийыште лийше военнослужащий- влак ешышт дене пырля яра канен кертыт. Ешышке пелашышт, 18 ийыш шудымо икшывышт пурат. Каныш лу кече шуйна. Республикыште боец да лишыл еҥыштлан пуымо 50 наре тӱрлӧ полыш уло. Тушко социал инициативе, психологий да медицине реабилитаций, операций зоно гыч пӧртылшӧ- влаклан пашам муаш полшымаш, оксам тӱлыде юридический полышым пуымаш пурат. Тиддеч посна илыме вер да коммунал полышлан роскотым петыраш компенсаций, быт йодышым виктараш полыш пуалтеш.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
