Ончылно мемнам сайлымаш кече- влак вучат

Ончылно мемнам сайлымаш кече- влак вучат
            Ончылно мемнам сайлымаш кече- влак вучат. 6-шо,7-ше, 8-ше сентябрьыште республикыштына 494 сайлыме участке пашам ышта. Йӱклымӧ пӧлем- влак 8 гыч 20 шагат марте почмо лийыт. Кум кечаш сайлымашыште республикысе калык законодательный кучемым ойыра- Кугыжаныш Погынын 52 депутатшым да муниципал образованийлан представительный органжын тӱжемат 301 депутатшым. Сайлыше кажне еҥ кидышкыже кум бюллетень гыч налеш: Кугыжаныш Погыныш ик мандатан округ гыч кандидатым сайлаш да Кугыжаныш Погынышкак партий списке почеш кандидатым, тыгак депутат- влакын верысе погынымашышкышт кандидатым сайлаш.
            Тений икымше гана Марий Элыште дистанций гыч йӱклымӧ  электрон  йӧн кучылталтеш. Тиде арнян «Мобильный сайлымаш» йӧн дене кушто улмо вер гыч але  дистанций гыч электрон йӧн дене йӱклаш йодмашым налаш чарныме. Республикысе сайлыме комиссийын ончыктымыжо почеш ДЭГ-ыште але дистанций гыч электрон йӧн дене  йӱклаш сайлыше- влак деч 53 тӱжемат 497 йодмашым, «Мобильный сайлыше» кушто улмо вер гыч йӱклаш тӱжемат 166 йодмашым налме. Теҥгече ДЭГ-ыш йодмашым пуышо- влакым поддержатлаш шокшо линий почылтын. Йодыш лектын гын але полыш кӱлеш гын, специалист- влак полшаш ямде улыт,- увертара сайлыме комиссий. 
           Фото: Марий Элын сайлыме комиссийже.

Прошлые выпуски