Республикысе полиций пашаеҥ- влаклан кӱкшӧ кугыжаныш наградым кучыктымо
Республикысе полиций пашаеҥ- влаклан кӱкшӧ кугыжаныш наградым кучыктымо. МВД-ште торжественный мероприятий эртен. Тушто министр Андрей Вырвич сотрудник- влаклан кугыжаныш ден ведомствын наградыштым пуэн. Службо пашам кӱлеш семын чаткан шуктымылан, сеҥымашыш шумылан, кӱкшӧ профессионализмлан Россий Федерацийын эл кӧргӧ паша министрже, полицийын генералже Владимир Колокольцевын приказше дене наградым пуымо: Россий МВД-н «За доблесть в службе» медальжым Звенигово ОМВД-м вуйлатыше, полицийын подполковникше Алексей Васильевлан, «Марий Турек» 9-ше полиций пӧлкам вуйлатыше, полицийын майоржо Ильнур Соногатуллинлан кучыктымо. Россий МВД-н Путилин медальжым Республикысе МВД-н экстремизмлан вашатреш шогышо рӱдерын оперуполномоченныйже, полицийын майржо Сергей Новосёлов налын «За смелость во имя спасения» медальым Йошкар-Ола УМВД-н патрульно-пост службын инспекторжо, полицийын лейтенантше Дмитрий Дубинин, «За безупречную службу в МВД» медальым Йошкар-Ола МВД виктемын патрульно-пост службын взвод командирже, полицийын капитанже Вячеслав Шатёркинлан пуымо. Тыгак икмыняр еҥлан Россий МВД-н Чап грамотыжым кучыктымо да тауштымашыжым увертарыме.
Фото: Марий Эл МВД.
Фото: Марий Эл МВД.
