Юлтехыште Республикыштына чоҥымо паша дене кӱшыл шинчымашым пуаш тӱҥалмылан 65 ий теммым пайремлыме

Юлтехыште Республикыштына чоҥымо паша дене кӱшыл шинчымашым пуаш тӱҥалмылан 65 ий теммым пайремлыме
             Юлтехыште Республикыштына чоҥымо паша дене кӱшыл шинчымашым пуаш тӱҥалмылан 65 ий теммым пайремлыме. Юл кундемысе кугыжаныш технологий университетын студентше да преподавательже- влакым, чоҥымо отрасльын специалистше- влакым Марий Элым вуйлатыше Юрий Зайцевын лӱмжӧ дене правительстве вуйлатышын икымше алмаштышыже Евгений Кузьмин саламлен. Тудо палемден: чоҥымаш да архитектурын институтшо Юлтехын ик эн кугу подразделенийже улеш. Университетым 12 тӱжем утла еҥ тунем лектын. Тиде чоҥмо отрасльын чапшым да кугешнымашыжым ыштыше профессионал- влак. Нуно мемнан республикын да моло регионлан социал-экономик вияҥмашкышт кугу надырым пыштеныт. Нунын тыршымышт дене илем- влак вашталтыт, корно- влак чоҥалтыт, промышленный да социал объект- влак нӧлталтыт. Чыла тидыже калыкын илышышжым саемдаш полша,- возен шке саламлымашыштыже республикым вуйлатыше. Торжественный мероприятий кышкарыште Юлтехын преподавательже, ветеранже, студентше-шамычлан, туныктымо тӧнежлам вуйлатыше, бизнесын еҥже- влалкан тауштымашан серышым да Чап грамотылам кучыктымо.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски