ОНФ-ын экспертше- влак Курык марий районысо Виловатыште да Козьмодемьянскыште кумдыкым тӱзландарымаште ситыдымаш- влакым рашемденыт
ОНФ-ын экспертше- влак Курык марий районысо Виловатыште да Козьмодемьянскыште кумдыкым тӱзландарымаште ситыдымаш- влакым рашемденыт. Оласе кумдыкым тӱзатымашым тергыше рӱдерын экспертше- влак Виловат селаште да Козьмодемьянскыште олмыктымо кудывечылам да тӱшка кумдыклам ончен лектыныт. Тергыме почеш илемлан администрацийышкышт ситыдымаш- влакын спискыштым колтеныт. Виловатыште кок кудывечым олмыктымо. Администрацийын еҥжын мутшо почеш, чыла пашам мучашлыме, лач приёмко нерген докуменым гына пеҥгыдемдаш кодын. Но тергыше- влак тыглай ончмалмаштак ситыдымаш- влакым ужыныт. Мутлан, коммуникаций люк- влак асфальт деч ӱлан кодыныт, ӱмбакыже тошто покрышкым пыштеныт, бордюрым шындымеке газон велым рокым оптымо огыл, подъездла воктене ик вере асфальтым шарыме гын, вес верыште тыгыде кӱм гына оптымо. Теҥгыл- влак ик вере асфалтыште шогат, вес вере- тыгыде кӱыштӧ. Пеҥгыде лийже манын теҥгылым кӱртньӧ саварыш пижыктен шынденыт. Чыла тидым тӧрлыман,- каласеныт эксперт- влак. Нуно тыгак йоча площадке воктене йожек кайыше электромеҥге-влакым шекланеныт. Нунын пу негызышт пеле шӱйын. Козьмодемьянскыште олмыктымо кок кумдыкым онченыт. Тушто икмыняр вере асфальтын тӧр огыл улмыжым а йоча площадкыште резина шартышын тоштеммыжым рашемденыт. Нуным вашке подряд организаций шотыш кондаш лийын.
