«Орбита» оркестрлан 55 ий темын

Йошкар-Оласе кумдан чапланыше «Орбита» оркестр шкенжын 55 ияш лӱмгечыжым палемден. Тудо ынде 30 ий утла Йошкар-Оласе икымше номеран ТЭЦ пелен пашам ышта. А тудын вуйлатышыже Владимир Ананьевлан 5-ше февральыште 80 ий темын. Тиде коллективым оласе калык сайын пала да кажне пайрем мероприятийыште тудым уло кумылын вашлиеш. Оркестр эре уым кычалеш да мастарлыкше дене кумылым савырен мошта. Кызытат тудо  «Назад в будущее» лӱман у концерт программым ямдыла. Тыгак шкенжын эн палыме хитше- влакым йоҥгалтара. Тудын усталык реперуарыштыже 800 наре произведений уло.

Прошлые выпуски