«Кугу Какшан» заповедник туризм йодыш дене семинарым эртара
«Кугу Какшан» заповедник 18-ше февральыште «Заповедник кундемыште шинчымашым шарыше туризм» семинарым эртара. Кумылан- влакым тушко мияш ӱжыт. Семинарыште заповедник нерген, «Ир пӱртӱсын тӱняже» кок кечаш авто-вӱд- вело да йолын коштмо маршрут, «Вӱдыштӧ илыше кайык- влакым эскерымаш»- Шушъерыш ик кечаш маршрут нерген каласкалат. Семинар 14 шагатлан «Комино» визит-рӱдерыште лиеш. Кумылан- влак Интернационалист воин- влак урем, 26-шо пӧрт адрес дене миен кертыт.
