44 пушеҥгым руэн, 7 ийлан эрык деч посна кодын кертеш
Марий Турек районын прокуратурыжо 28 ияш пӧръеҥ шотышто уголовный паша почеш титаклыме приговорым луктын. Тудо закондымын пушеҥгым руымылан титаклалтеш. Рашемдыме: тудо эртыше ийын август- сентябрьыште Сенда лесничествыште 44 пушеҥгым руэн налын. Тыге кугыжаныш чодыра фондлан 830 тӱжем теҥге эҥгекым конден. Шке титакшым тудо тӱрыс умылен да эҥегкын ужашыжым пӧртылтен. Уголовный пашам Шернур районысо судыш колтымо. Тудым 7 ийлан эрык деч посна коден кертыт.
