Марий Элыште пашадыме- влак шагал улыт
Юл кундем округышто Марий Эл эн изи пашадымылык дене кумшо верым айла. Мемнан дене таҥастарымаште пашаверым ситарыме шотышто сӱрет Угарман ден Ульяновск областьлаште да Татарстаныште гына сайрак коеш. Марий Эл ден Чуваший кумшо верым айлат. Пашадымылык кӱкшыт республикыште 0,7 процентыш шуын. Россий мучко кокла показатель 0,9 процент, Юл кундемыште 0,8 процент. Тидымат палемдат: Марий Элыште ик эн кужу паша арня. Мемнан республике чот пашам ыштыше 7 регион радамыш пурен. Республикысе калыкын паша арняже кокла шот дене 38,3 шагат шуйна.
