Оршанке районысо пасулаште паша рӱж шолеш

Оршанке районысо пасулаште паша рӱж шолеш, пырчан, пырчан да отызан культурым погат, кормам умбакыже шапашлат. Районысо озанлык- влак тӱжемат 500 утла тонн шудым, 12 тӱжемат 300 утла тонн сенажым, тӱжемат 400 утла тонн силосым аралаш пыштеныт. Тӱшкан налмаште вольыкым пукшаш кургым палемдымын 77 процентшым шапашлыме, шудо ден сенажым кӱлешлык деч 100 утла процентым ямдылыме. А силосым кукуруз гыч сентябрьыште опташ тӱҥалыт. Республике мучко ончалаш гын, 95 процент кургым телылан аралаш пыштыме. Шукияш шудым 636 гектар гыч шийын налме. Лектышыже 146 тонн лийын, ик гектарлан шотлымаште кок центнер утла кычкым погымо. Район мучко пырчан, пырчан да отызан культурым погат. Республике мучко лектыш шот дене Оршанке район кокымшо верыште улеш. Тушто ик гектар гыч 37 центнерым погат. Медведево район икымше верыште улеш. Тушто 40 центнер гыч налыт. Район мучко кум тӱжемат 150 утла гектар гыч шурным шийын налме. Тидыже планын 27 процентше лиеш. Тыгак кокияшым ӱдаш тӱҥалме. Кызытеш тудым 191 гектареш вераҥдыме. Пасу паша умбакыже шуйна.

Прошлые выпуски