Кундемыштына газпуч- влак гоч шке ыштыме корно- влакым жаплан петырат

Кундемыштына газпуч- влак гоч шке ыштыме корно- влакым жаплан петырат. Республикысе транспорт да корно озанлык министерстве техногенный аварий лийын кертме лӱдыкшым шагалемдаш манын, «Газпром трансгаз Нижний Новгород» ушемын филиалже Ямбург-Тула1, 2 магистраль газопровод гоч ыштыме корно тураште Морко- Уньжинский да Параньга- Уньжинский корнылаште аралыше кожухым ышташ палемден. Ончылгоч шотлымо почеш, тиде пашам 25-ше август гыч 25-ше сентябрь марте шуктышаш улыт. Тиде жапыште корнын нине ужашыже гоч кудал каяш ок лий. Паша тӱҥалме раш жапым предприятий ешарен увертара.

Прошлые выпуски