Суд пристав- влак парыман организацийын 4 «КамАЗ-шым» арестоватленыт
Суд пристав- влак парыман организацийын 4 «КамАЗ-шым» арестоватленыт. Суд пристав- влакын район кокласе пӧлкаштыже шуктышаш пашаште «Сириус» парыман организаций шотышто документ лийын. Тудын кум миллион утла теҥге парымже Киров областьысе корно комитет, Марийскавтдор, Марий Элысе суд пристав службо виктем, Пенсий фонд виктем ончылно погынен. Тиде организацийын тӱҥ пашаже зданий- влакым рончымаш да кораҥдымаш. Тудын банклаште счётшо уло, но парымым пӧртылташ окса пурен огыл. Шке кумылын оксам пӧртылташ вашкен огыл. Тыгак тудын транспортшо улмым рашемдыме. Нуным шылташ манын, сотрудникше- влак кугыжаныш регистраций знакше- влакым вашталтыл пижыктеныт. Туге гынат, суд пристав исполнитель адрес дене мийымыж годым вич транспортшым рашемден да 900 тӱжем теҥгелан арестоватлыме шотышто актым возен. Тыге ныл КамАЗ да полуприцепым парымым пӧртылташ ужалаш кусарыме лиеш.
